Posted by clado | 8 Comments »

Posted by clado | 20 Comments »

Dagat, suroy-suroy ug tabanog, timailhan lang kini nga bakasyon nasad. Ang bakasyon sa pinas kay magsugod sa buwan sa Marso dayon mahuman sa buwan sa Mayo. Ambot lang kaha ug mao ba usab kini nga mga buwana ang ting bakasyon sa mga taga laing nasod.

Ang bakasyon maoy pinaka labing gipaabot sa mga estudyante, gawas sa mga mag summer class. Mao kini ang panahon sa tinglaag kuyug ang pamilya o dib a kaha ang barkada. Panahon kini sa mga batang gagmay aron magpalupad ug pagtugot sa ilang mga tabanog. Sa mga tiguwang, edaran ug saw a pa kasabot o di kadawat nga tiguwang na sila kay mao kini ang panahon sa ting uli sa ilang mga probinsya aron mamahuway bisag sa makadiyot lang.

Ug unsa ang bakasyon para nako?

Panahon kini sa gugma, oo, gugma, kay tungod matag bakasyon ra ako mubati ug gugma sa usa ka tao. Tulo ka tuig ang milabay adunay “J”, duha ka tuig ang milabay adunay “M”, sa miaging tuig nay “N”, ug karon tuiga adunay…ahem!…di lang nako ibutang nganhi kay masakpan nya ko.

Ug unsay nakabati?

Ang tanan bati, ug nganong bati? Kay tungo sila si “J”, “M”, “N” ug si “____” aduna nay nakatagiya, nay ganahan makatagiya ug ganahan sila nga lain ang managiya nila. Sakit man pamalandungun pero murag ako pirmi ang alaot. Ganahan unta nako sila sultihan, apand dili pwede isulti, naa nay naka una ug sulti, ug mahadlok ko musulti. Ambot lang ug ngano, pero nay pirmi mubira o mubabag nako nga wa ko mahibaw o nagpaka aron ingon ra ko nga nay mi babag ug mibira para di nako masulti.

Hinoon, dili lang nako pugson kay basin unya nga bati kayo ang resulta ug ika-sakit lang sa dughan kong “fragile” (atiiik!). Mao nga ako nalang himoon pirmi akon kaugalingon na mga “busy” sa usa ka butang arorn lang na makalimtan ang tanan, mapa gugma ba na siya o pampagana lang.

Unsa kaha akong buhaton karon bakasyona sah?
Maligo ug dagat?
Magtabanog kaha?
Mag hinulsul? Dili mani nako binuhatan…hehehe
Road trip with friends would be a great idea.
Sky diving? Naa man ko fear sa heights.. ;p
Hunting? Unsa man sad?
O paundayunan lang ang gugma?

Pagka!

PS. Ato-ato lang ni ha.

Posted by clado | 3 Comments »

Ngano ug ngano man gyud ka daghan kaayo nga mga tao na musaway sa mga kantang bisaya, hilabi na ang BisRock?

Una ko nakadungug ug kantang BisRock sa dihang 3rd yr. HS ko.  Nagpalit ko sa tindahan sa akong ig-agaw ug nadunggan nako ang kanta nga adunay linyang Ipa agi lang ug lakbay-lakbay, patid, labay-labay sa lata nga gamay.  Sa pagkadungug nako nakaingon ko nga nindot, ug interesado ko nga makapaminaw pa ug kanta nga sama niini. 

Nilabay ang pipila ka mga tuig, ug nakapatong na ko sa kolehiyo.  Daghan ko nga nakaila sa tunghaan na mahilig sa banda ug adunay say mga ilang kaugalingon banda.  Kasagaran nila kay maminaw ug pop rock, ska, metal, reggae ug uban pa.  Ug nakapangutana ko kun unsa ang ilang gigamit nga pinulungan sa pag suwat sa ilang mga kanta.  Kadaghanan, ay dili, tanan diay nila kay ininglis ang gamit sa pag-suwat ug kanta.  Tungod ana, ako sila nga gipangutana ug nganong ininglis ang ilang ginagamit sa pag suwat sa kanta, nindot man sab ang binisaya.  Ang tubag sa mga kiat “dili man ta masikat ana oi…mas nindot ang ininglis kay daghan ang makasabot.”  Sakto sad siya sa ubang bahin, apan, ug dako kaayong apan, ngano man nga nasikat na silang Noy Max Surban ug Anhing Yoyoy Villame?

 to be continued… (ihubad ko palihug batang buotan)

Posted by clado | 13 Comments »